"Mançester Siti"nin müdafiəçisi klub aldı

"Mançester Siti"nin müdafiəçisi Vensan Kompani özünə klub alıb. Futbolxeber.az-ın məlumatına görə, Kompaninin sahib çıxdığı "Bleyd" klubu Belçikanın üçüncü divizionunda çıxış edir. Hazırda belçikalı müdafiəçi klubun adının və embleminin dəyişdirilməsi üçün müxtəlif variantları nəzərdən keçirir: "Biz gənc futbolçulara üstünlük verəcəyik. O ki qaldı klubda kimlərin çalışacağına, rəhbər postu mənim bacım tutacaq. Ailəmiz hər zaman futbolun içində olub və bu səbəbdən də bacımın bu sahə üzrə kifayət qədər məlumatı var. Həm də Belçika futbolunda bütün rəhbər postları kişilər tutur. Kristel isə tünd rəngli dərili belçikalı xanımdır. Odur ki, bacım kluba rəhbərlik etməklə şablondan kənara çıxacaq".