Fatih Terim: “Real” dünyanın ən güclü klublarındandı”

“Qalatasaray”ın baş məşqçisi Fatih Terim Çempionlar Liqasının 1/4 finalında “Real”a qarşı keçirəcəkləri oyun haqqında danışıb. Futbolxeber.az-ın məlumatına görə, “İmperator” ləqəbli baş məşqçi rəqib komandanı belə qiymətləndirib: “Real”ın necə güclü komanda olduğunu hamımız bilirik. Xüsusilə ev oyunlarında istədikləri oyunu sərgiləyə bilirlər. Madrid klubu dünyanın ən güclü klublarından biridi. Buna baxmayaraq, biz öz oyun tərzimizi dəyişməyəcəyik. Hər bir oyun 0:0 hesabı ilə başlayır və bu nəticə bizim xeyrimizədi. Onlar oyunun favoriti hesab olunur. Bu səbəbdən də “Real”a uduzmaq bizim üçün biabırçılıq sayılmamalıdı.  Əsas odur ki, biz öz çıxışımızdan razı qalaq. Həmişəki kimi, sərt oyuna üstünlük verəcəyik”.