"Yuventus"la oyun haqda düşünməmək qeyri-mümkündü

"Bavariya"nın yarımmüdafiəçisi Bastiyan Şvaynştayger komandasının çempionluq şansları haqda danışıb. Futbolxeber.az-ın məlumatına görə, təcrübəli yarımmüdafiəçi qarşıdakı "Hamburq"la matçdan da söz açıb: "Özümü hazırda əla hiss edirəm. Əlimdən gələni edəcəyəm ki, "Hamburq"la matçda özümü ən yaxşı tərəfdən göstərməyi bacarım. Son iki ildə heç bir uğur qazanmamışıq. Amma indi çempionluğu demək olar ki, təmin etmişik. Hesab edirəm ki, bu, bizə əlavə güc qazandıracaq. Təbii ki, "Yuventus"la oyun haqda düşünməmək qeyri-mümkündü. Bu, çox gərgin oyun olacaq. Ümid edirəm ki, sonda sevinən tərəf biz olacağıq".