“İngiltərə bizdən qorxur”

2014-cü ildə keçiriləcək DÇ-nın seçmə mərhələsi çərçivəsində İngiltərəni qəbul edəcək Çernoqoriya millisinin baş məşqçisi Branko Brnoviç maraqlı açıqlama verib. Futbolxeber.az-ın məlumatına görə meydançadan şikayət edən bəzi ingilis futbolçularına Brnoviç belə cavab verib: “Biz İngiltərə millisinə hörmət edirik. Lakin, bu o demək deyil ki, rəqibdən çəkinirik. İngiltərəli futbolçular meydanın ot örtüyündən şikayət edirlər. Hamımız bilirik ki, ingilislər oyunda əsasən uzun hava ötürmələrindən istifadə edirlər. Başa düşə bilmirəm, qazona görə biz narahat olmalıyıq, yoxsa onlar?! Bizim heyətdə Yovetiç, Vuçiniç kimi futbolçular var. Bəs onların kimi var?  Daha sonra, ingilislər bizim azarkeşlərin çılğınlığından narahatlıqlarını bildiriblər. Bu yersiz bəhanələrdən belə görünür ki, İngiltərə millisi bizimlə oynamaqdan qorxur”.