"Azərbaycana uduzmaq ağlımızdan belə keçmir"

"Sabah yaxşı müdafiə olunan komandaya qarşı oynayacağıq. Bizim üçün çətin oyun olacaq. Azərbaycanın ev oyunlarına baxmışıq. Evdə yaxşı oynayırlar. Ancaq əlimizdən gələni edəcəyik ki, qələbə qazanaq". Futbolxeber.az-ın məlumatına görə, bu sözləri Portuqaliya millisinin baş məşqçisi Paulu Bentu deyib.

Ronaldonun İsraillə oyunda qəsdən sarı vərəqə almasını təkzib edən Bentu bildirib ki, həm Kriştianu, həm də Nani komanda üçün önəmli futbolçulardı: "Amma bizim komanda Ronaldo, ya da Nanidən asılı deyil. Onları əvəz edə biləcək oyunçularımız var və bu futbolçular sabahkı qarşılaşmaya hazırdılar. Meyreleş də tam hazır olsa, oynayacaq".

Sonda isə Portuqliya millisinin baş məşqçisi qeyd edib ki, yığmamıza uduzmağı düşünmürlər: "Fikrimiz Azərbaycanla matçda qələbə qazanmaqdı. Azərbaycana uduzmaq ağlımızdan belə keçmir".