Petrjela: "Arşavin Azərbaycanda yaxşı qazanacaq"

"Neftçi"nin keçmiş baş məşqçisi Vlastimil Petrjela Andrey Arşavinin Azərbaycanda mümkün çıxışı haqda danışıb. Futbolxeber.az-ın məlumatına görə, Petrjela "İzvestiya" qəzetinə verdiyi açıqlamada bildirib ki, vaxtı ilə "Zenit"də rəhbərliyi altında oynamış Arşavin Azərbaycan çıxış etsə, maddi baxımdan yaxşı qazana bilər: "Azərbaycan spesifik ölkədir. Maddi baxımdan narahat olmasın, o Azərbaycana üz tutsa, orada yaxşı qazanacaq. Amma onun üçün Avstraliya daha cəlbedici variantdı. Orada əla hava şəraiti hökm sürür. Amma Andrey həm yaxşı oynayıb, həm də yaxşı qazanmaq istəyirsə, o zaman Rusiya çempionatına üz tutsun".