Nedved: “Buffon ÇL-i qazanmalıdır”

“Yuventus”un sabiq futbolçusu, hazırda klubda rəsmi şəxs olan Pavel Nedved Çempionlar Liqasının finalı haqda danışıb. Futbolxeber.az-ın məlumatına görə, Nedved qeyd edib ki, rəqib güclü olsa da, komandasının qələbəsinə inanır: “Yuventus” finalda qalib gələ bilər. Sonuncu dəfə komanda 12 il əvvəl finalda “Milan”a uduzdu. Həmin gün çox böyük məyusluq yaşamışdıq. İndi “Yuventus” yenidən zirvəyə qayıdıb. “Barselona” güclü olsa da, onları məğlub edə bilərik. Ümid edirəm ki, Buffon kolleksiyasında çatışmayan bu titulu da qazanacaq. Onun kimi qapıçı ÇL-i qazanmalıdır”.