Antonio Konte “Yuventus”dan getdi

“Yuventus” klubu baş məşqçi Antonio Konte ilə yollarını ayırıb. Futbolxeber.az-ın məlumatına görə, bu haqda Turin klubunun rəsmi saytı xəbər yayıb. Məlumatda qeyd olunur ki, klub rəhbərliyi ilə baş məşqçi arasında yeni müqavilə ilə bağlı aparılan danışıqlarda razılıq əldə olunmayıb. Bu səbəbdən də tərəflər 2015-ci ilə kimi qüvvədə olan sözləşməyə vaxtından əvvəl xitam verilməsi barədə qərara gəliblər.

Qeyd edək ki, Konte 2011-ci ildən “Qoca Sinyora”ya başçılıq edirdi. Onun rəhbərliyi altında “Yuventus” 3 dəfə Skudeottonu qazanıb.