Arda Turan “Barselona” məsələsinə Bakıda aydınlıq gətirdi

Bu gün “Atletiko”nun Bakıya səfəri ilə bağlı təşkil olunmuş mətbuat konfransında çıxış edən Türkiyə millisinin aparıcı üzvü Arda Turan, “Barselona”ya mümkün keçidi ilə bağlı sualı da cavablandırıb. Futbolxeber.az-ın məlumatına görə, türkiyəli futbolçu hazırki klubunda özünü xoşbəxt hiss etdiyini bildirib: “Mənim “Atletiko”yla 2017-ci ilə kimi müqaviləm var. Burada özümü əla hiss edirəm. Yalnız bunları deyə bilərəm. “Atletiko”ya mənimlə bağlı rəsmi təklif gəlibmi? Bu, suala cavab vermək mənim səlahiyətim çərçivəsində deyil”.