Tanınmış kikboksçumuz Londonda klub açdı

Tanınmış kikboksçu Hafiz Baxşəliyev Londonda Qafqaz Kikboks Klubu açıb. Futbolxeber.az-ın məlumatına görə, bu barədə kikboksçunun özü məlumat verib.

H. Balakişiyev bildirib ki, kluba Londonda yaşayanazərbaycanlılar dəvət olunacaqlar: "Sevinirəm ki, belə idman mərkəzi aça bildik. Londonda yaşayan azərbaycanlılar, tələbələr yeni fəaliyyətə başladığımız klubumuza dəvət olunacaqlar. Qarşıda Azərbaycanla bağlı bir sıra tədbirləri keçirməyi planlaşdırırıq".

Onu da qeyd edək ki, Hafiz Baxşəliyev Azərbaycan kikboks yığma komandasının üzvü olub. Beynəlxalq yarışlarda ölkəmizi təmsil edib. Artıq bir neçə ildir ki, İngiltərdə yaşayır.

Mənbə: atv.az