Kliçko 11 ildən sonra məğlub oldu

Peşəkar boks üzrə dünya çempioni Vladimir Kliçko növbəti döyüşünü keçirib. Futbolxeber.az-ın məlumatına görə, ukraynalı boksçu Almaniyada britaniyalı Tayson Fyuri ilə qarşılaşıb. Döyüş gözlənilmədən Kliçkonun məğlubiyyəti ilə başa çatıb - 112:115, 112:115, 111:116.

Qeyd edək ki, bununla da Kliçkonun 11 illik məğlubiyyətsizlik seriyası qırılıb. Belə ki, ukraynalı boksçu sonuncu dəfə 2004-cü ilin 10 aprelində Leymon Brüsterə uduzmuşdu. Karyerası ərzində 64 qələbə qazanan Kliçko 4-cü dəfə uduzdu.

Tayson isə peşəkar karyerası ərzində hələ ki, məğlub olmayıb. O, keçirdiyi 25 döyüşün 18-i nokaut olmaqla  hamısından qalib gəlib.