Digər idman növləri
Moskvada Bakı-2015 Avropa oyunlarının təqdimat mərasimi keçirilib
Rusiya paytaxtında "Bakı-2015" Avropa oyunlarının təqdimat mərasimi keçirilib. Futbolxeber.az-ın APA-ya istinadən verdiyi məlumata görə, “Redisson Royal, Moskva" mehmanxanasının konqres-parkında baş tutan tədbirdə Azərbaycanın birinci xanımı, Heydər Əliyev Fondunun prezidenti Mehriban Əliyeva, Rusiya Dövlət Dumasının sədri Sergey Narışkin, baş nazirin müavinləri Dmitri Roqozin və Arkadi Dvorkoviç, xarici işlər nazirinin müavini Qriqori Karasin, iş adamı Əlişer Usmanov, VTB bankın sədri Andrey Kostin, Rusiya Olimpiya Komitəsinin prezidenti Aleksandr Jukov, ölkənin ən tanınmış simaları, siyasi və ictimai xadimləri iştirak ediblər.
Təqdimat mərasimi çərçivəsində qonaqlar eyni zamanda, Azərbaycanın mədəniyyətini, tarix və adətlərini özündə əks etdirən sərgi ilə tanış olublar. Daha sonra tədbirin rəsmi hissəsi başlanıb. Çıxış edən Azərbaycanın birinci xanımı Mehriban Əliyeva tədbirə gələn Rusiya hökumətinin, biznes və idman nümayəndələrini salamlayıb: "Mən çox şadam ki, biz Avropa oyunlarının təqdimatını dost Rusiyanın paytaxtında keçirə bilirik. İki ölkə arasındakı münasibətlər möhkəm tarixi əsasın üzərində qurulub. Onilliklər ərzində bizim xalqlarımızı humanitar, mədəni və insani əlaqələr bir-birinə bağlayıb. Bu əlaqələr ikitərəfli siyasi, iqtisadi münasibətlərin inkişafı üçün əlverişli iqlim yaradıb. Bugünkü Rusiya-Azərbaycan münasibətləri qarşılıqlı hörmət əsasında qurulan dost və mehriban qonşu ölkələrə nümunədir. Bizim əməkdaşlığımız ictimai həyatın bütün sahələrini, iqtisadi, siyasi və humanitar sahələri əhatə edir. İkitərəfli münasibətlərə yeni impulsu Rusiya prezidenti Vladimir Putinin 2013-cü ilin yayında Azərbaycana gerçəkləşdirdiyi səfər verib. Rusiyanın nüfuzlu dövlət adamlarının rəhbərlik etdiyi nümayəndə heyətlərinin il boyu Azərbaycana səfərləri iki ölkə arasında münasibətlərə öz töhvəsini verib. Rusiya və Azərbaycan arasında əlaqələrin möhkəmlənməsi üçün etdiyinizə görə sizə təşəkkürümü bildirirəm".
Rusiya Azərbaycanlı Gənclər Birliyinin (RAGB) fəaliyyətindən danışan Mehriban Əliyeva bildirib ki, bu təşkilat Rusiyada yaşayan və təhsil alan azərbaycanlı gəncləri birləşdirib: "RAGB gənclərin Rusiya cəmiyyətinə inteqrasiya olunmasına kömək edir". Azərbaycanın birinci xanımı Rusiya və Azərbaycan arasında idman sahəsində, Olimpiya hərəkatında əməkdaşlıq əlaqələrinin olduğunu söyləyib: "Fürsətdən istifadə edib, sizi Soçi Qış Olimpiadasını möhtəşəm səviyyədə keçirdiyinizə görə təbrik etmək istəyirəm. Bu gün Azərbacanda idman sahəsinə dəstək dövlət siyasətinin əsas istiqamətlərindən biridir. Biz müstəqil Azərbaycan dövləti olaraq 1996-cı ildən Olimpiya oyunlarında iştirak edirik. Bu günə kimi idmançılarımızın qazandığı uğurlarla fəxr edirik. Londonda keçirilən sonuncu Yay Olimpiya oyunlarında idmançılarımız ikisi qızıl olmaqla 10 medal qazandılar. Avropa ölkələri arasında 15-ci, bütün iştirakçı ölkələr arasında isə 30-cu yeri tutdular. Keçən il Çində keçirilən gənclərin Olimpiya oyunlarında idmançılarımız 5-i qızıl olmaqla 12 medal qazanaraq 200 iştirakçı arasında 10-cu yerə layiq görülüblər. Azərbaycanda idman obyektlərinin tikintisinə və yenidənqurulmasına böyük diqqət yetirilir. Son 10 ildə bütün ölkə ərazisində 40-dan çox Olimpiya mərkəzi tikilib. Bizim ölkə beynəlxalq idman yarışlarının keçirilməsi üzrə böyük təcrübə toplayıb. Bakıda müntəzəm olaraq müxtəlif idman növlərinə dair Avropa və Dünya çempionatları keçirilir. İdmançılarımızın uğur qazanmasının əsas səbəblərindən biri onlara dövlət tərəfindən göstərilən dəstək və müasir idman infrastrukturlarının yaradılmasıdır. Bir sözlə, bütün bu faktorlar və ölkənin sürətlə inkişafı Avropa Olimpiya Komitəsinin Birinci Avropa Oyunlarının Azərbaycan paytaxtı Bakıda keçirilməsi haqqında qərarının əsasını təşkil edir".
Mehriban Əliyeva ölkədə bütün idman obyektlərinin tikildiyini və yarışlara hazır olduğunu qeyd edib: "Bakı-2015 Avropa idman tarixində yeni səhifə açacaq. Bizim üçün Birinci Avropa oyunlarını keçirmək, təşkil etmək və qəbul etmək böyük qürur və məsuliyyətdir. Oyunlarda 20 idman növündə 6000-dən çox atlet iştirak edəcək. Bakı-2015 gələcəkdə keçiriləcək Avropa oyunları üçün standart olacaq. Əminəm ki, Avropa oyunları yay Olimpiya oyunları ilə bir səviyyədə keçiriləcək. Bunun üçün lazım hər şey edilib. Güclü təşkilat komitəsi yaradılıb. Biz beynəxalq idman təşkilatları, Avropa Olimpiya Komitəsi, beynəlxalq federasiyalar ilə əməkdaşlıq edirik. Könüllülər tərəfindən böyük dəstək var. Minlərlə azərbaycanlı gənc Avropa oyunlarında könüllü olmaq istəklərini bildiriblər. Biz Olimpiya kəndimiz ilə fəxr edirik. Ümid edirəm ki, Rusiya idmançıları bu məkanda qalmaqdan zövq alacaqlar. İdmançıların maksimal komfort şəraitdə qalmaları üçün şərait yaratmağa çalışmışıq. Media təmsilçiləri üçün yaradılan şəhərcik də beynəxalq standartlara cavab verir. Avropa oyunlarını 1000-dən çox yerli və xarici reportyor, 50-dən çox teleşirkət, 100-dən çox ölkəyə yayımlayacaq. Əlbəttə ki, biz Birinci Avropa oyunlarını keçirən ölkə kimi istəyirik ki, gələn qonaqlar ölkəmiz haqqında daha çox məlumat alsınlar. Oyunların başlanmasına iki aya yaxın müddət qalıb. Bu gün deyə bilərəm ki, Bakı bütün Avropanı qəbul etməyə hazırıdır. Biz möhtəşəm sülh, dostluq və idman bayramının ərəfəsindəyik. Əminəm ki, Birinci Avropa oyunları birlik, sağlam və ədalətli rəqabət ruhunda keçəcək. Fürsətdən istifadə edib, sizləri Avropa oyunlarında iştirak etməyə, idmançılara azarkeşlik etməyə dəvət edirəm".
Daha sonra Rusiya Olimpiya Komitəsinin prezidenti Aleksandr Jukov çıxış edib. O, Avropa Olimpiya Komitəsinin vacib və düzgün qərar qəbul etdiyini qeyd edib: "Avropaya öz oyunları lazımdır. Birinci Avropa Oyunlarının keçirilməsinin gözəl Bakı şəhərinə verilməsi əla haldır. Bu doğrudan da çox düzgün qərardır. Azərbaycanda idmanın necə sevildiyini, Bakıda bir çox böyük yarışların keçirildiyini və Bakının böyük təcrübəyə malik olduğunu bilirik. Azərbaycanda idmanın necə inkişaf etdiyini də bilirik. Bakı sadəcə gözəl şəhər deyil, həm də idman şəhəridir. Heç şübhə etmirəm ki, Bakı Avropa oyunlarını yüksək səviyyədə keçiriəcək". Aleksandr Jukov bildirib ki, Rusiyada Bakı-2015 Avropa oyunlarına ciddi yanaşılır: "Oyunlarda təmsil olunacaq Rusiya Komandasının tərkibində güclü idmançılar olacaq. Bizim yaxşı ənənəmiz var. Bu ənənə Rusiya Komandasının Evini yaratmaqdır. Bakıda da belə ev yaratmaq istəyirik, harada ki, bizim birgə idman tariximiz təqdim olunacaq. Bu Bakı sakinləri və oyunları izləməyə gələn xarici turistlər, azarkeşlər üçün çox maraqlı olacaq".
Rusiya Olimpiya Komitəsinin prezidenti Bakı-2015 Avropa oyunlarının Təşkilat Komitəsinə uğurlar arzulayıb.
Sonda Bakı-2015 Avropa oyunlarına görülən hazırlıq işlərinə həsr olunan film nümayiş olunub. Filmdə Bakı-2015 Avropa oyunlarının keçiriləcəyi idman arenaları əks olunub.
Şərh yazılmayıb
|
ŞƏRH YAZ
|
Çox oxunan xəbərlər
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
-
15:46
“Sumqayıt”dan azarkeşlərinə müraciət
-
14:11
"Kəpəz"in üç futbolçusu "Qəbələ"yə qarşı oynamayacaq
-
13:38
Azərbaycan idmançısı Paris-2024-ə vəsiqə qazandı
-
12:05
“Səbail”in müdafiəçisi: “Son 4 tur bizim üçün finala bərabərdir”
-
11:54
"Bayer" yenə 90+6-da məğlubiyyətdən qaçdı VİDEO
-
11:40
"Atletiko" "Atletik"ə qalib gəldi VİDEO
-
11:29
"Latsio"dan minimal hesablı qələbə VİDEO
-
11:17
Karate üzrə açıq turnir keçirilib
-
11:02
"Yuventus" - "Milan" matçında heç-heçə VİDEO
-
10:53
Azərbaycanın stolüstü tennisçisi Fransada beynəlxalq turnirin qalibi olub
-
10:38
"Borussiya" darmadağın oldu VİDEO
-
10:26
“Forza Neftçi” qayıdır: Çağırışa müsbət cavab verildi
-
10:11
Keyn "Bavariya"ya qələbə qazandırdı VİDEO
-
10:04
Elcan Hacıyev: “Avropa çempionu olmaq xəyalım idi”
-
09:45
Derbini "Fənərbaxça" qazandı VİDEO
-
23:25
"Neftçi" azarkeşlərinə çağırış etdi
-
23:08
Renat Dadaşov "Başakşehir"ə qol vurdu
-
21:16
Samir Abasov Xavi ilə görüşdü
-
21:00
"Neftçi"nin 3 futbolçusu "Turan Tovuz"a qarşı oynamayacaq
-
20:27
Şahin Diniyev: “Avrokuboklara getməmək dünyanın sonu deyil”
-
19:53
"Səbail" səfərdə məğlub oldu
-
17:00
Azərbaycan bədii gimnastları beynəlxalq turnirdə 5 medal qazanıblar
-
16:32
Krivostyukun komandası mövsümdə ilk qələbəsini qazandı
-
13:49
Azərbaycanın idmançıları Prezident Kubokunda mübarizə aparacaqlar
-
12:24
Azərbaycan taekvandoçuları Prezident kubokunda 6 medal qazanıb
-
11:50
32-ci turun hakim təyinatları
-
11:38
Azərbaycan Boks Federasiyasının rəsmiləri Naxçıvanda fəaliyyət göstərən məşqçilərlə görüşüb
-
11:13
Bakı Marafonunda iştirak üçün 15-dən çox ölkənin vətəndaşları qeydiyyatdan keçib
-
10:56
Arda Gülər "Real"a qələbə qazandırdı VİDEO
-
10:42
İnfantino "Qarabağ"ı təbrik edib
-
10:29
Bundesliqa: 31-ci turun açılış oyununda 5 qol VİDEO
-
10:17
"Traktor" 1/4 finala yüksəlib
-
10:00
Şahruddin "Qalatasaray"a qarşı belə oynadı VİDEO
-
09:51
Millimiz Monteneqronu məğlub edib FOTOLENT
-
20:28
Hidayətdən 4-cü Avropa çempionluğu
-
18:13
“Neftçi” - “Turan Tovuz” oyununun biletləri satışd
-
18:00
Azərbaycan gimnastı: “Rəqiblərimiz bizdən çəkinirlər”
-
16:39
Azərbaycan millisinə yeni idman direktoru təyin edilib
-
16:17
Azərbaycan birinciliyi və Bakı çempionatı başa çatıb
-
15:51
Kubokun finalı: Nominal meydan sahibi və başlama saatı müəyyənləşdi
-
15:26
Millimizin üzvü Macarıstanda bürünc medal qazandı
-
13:42
“Ağdaş”ın baş məşqçisinə 5 oyunluq cəza
-
13:30
AFFA 7 klubu cərimələdi
-
13:13
“Futbolu da basketbol qədər izləyirəm”
-
12:45
Azərbaycan çempionatlarında növbəti turların proqramı açıqlanıb
-
11:34
İvan Brkiç: “Neftçi”nin şərəfi uğrunda canımızı meydanda qoymalıyıq”
-
11:08
AFFA Salyanskini əfv etmədi
-
10:21
Samir Abasov “Barselona”nın prezidenti ilə görüşdü FOTOLENT
-
09:59
"Karvan"dan 4 qollu qələbə VİDEO
-
09:47
Mahir Emrelidən Azərbaycan cüdoçularına dəstək