19 May 2024, Bazar günü
XXXV turun hakim təyinatları
“Şamaxı” zirvəyə yüksəldi
Mirzov "Neftçi"dən ayrılır?
Mövsümün ən yaxşıları müəyyənləşdi

Ölkə futbolu

Masaki Murata: “Bu tip insanlar həmişə problem axtarır”

“Sumqayıt”ın yarımmüdafiəçisi Masaki Muratanın Futbolxeber.az saytına müsahibəsi

 

- Azərbaycan Premyer Liqasının 31-ci turunda “Turan Tovuz”la səfər görüşündə vacib 3 xal qazandınız. 4:1 hesablı qələbəni necə şərh edərdiniz?

- Çətin qarşılaşma olacağını bilirdik. Taktiki sxemdə bir qədər dəyişiklik etmişdik. Düşünürəm ki, bu, bizə çox kömək oldu. İlk hissədə 2 qol vurmağımız möhtəşəmdir.

- İkinci dövrədəki oyunda da “Sumqayıt” fasiləyə 2:0 öndə yollansa da, sonradan qələbəni əldən vermişdi. Bu dəfə rəqib hesab arasındakı fərqi azaldanda eyni ssenarinin təkrarlanacağından qorxmadınız?

- Bu oyuna baxanlar şübhəsiz ki, həmin matçı xatırladı. "Turan Tovuz"un ikinci qolu vurmaq şansı da var idi. Biz komanda olaraq yalnız qələbəyə oynadıq. Məqsədimiz heç-heçə etmək və ya məğlub olmaq deyildi. Səfərdə oynamaq çətindir, amma azarkeşlərimizin dəstəyi bizə böyük ruh yüksəkliyi verir.

- Oyundan əvvəl ajiotaj var idi. Demək olarmı ki, bu məqam “Sumqayıt”ı daha da ruhlandırdı, daha da güclü etdi?

- İki tip futbolçu olar, televiziya və ya sosial şəbəkələri izləyib insanların fikrini oxuyan və ya bunları etməyən. Mən ikinci tip futbolçuyam. Heç vaxt belə fikirləri dinləmirəm. Mənim üçün əsas olan oyuna köklənməkdir. Həmişə ən yaxşısı üçün çalışıram.

- Ümumiyyətlə, “hakimlər “Sumqayıt”a kömək edir” fikrini səsləndirənlərə nə demək istərdiz?

- Bu tip insanlar həmişə problem axtarır. Çalışırlar ki, belə şeyləri müzakirə mövzusu etsinlər. Əlbəttə, hakim də səhv edə bilər. İngiltərə, İspaniya kimi top liqalarda da belə səhvlərə rast gələ bilirik. Bu, bizdə də baş verir. Bəzən bəxtimiz gətirir, bəzən yox. Amma biz bu cür fikirlərə əhəmiyyət vermirik.

- Artıq turnir cədvəlində üçüncü yerdəsiniz. Sona 5 tur qalmış avrokuboklar şansını necə dəyərləndirirsiniz?

- Çempionatda 5 oyunumuz qalıb. Komanda olaraq qazandığımız bu şansdan istifadə etmək istəyirik. Hazırda növbəti matça köklənmişik. Bir ay öncədən bu barədə danışmağı xoşlamıram. Gedişatı təhlil edib yekunu gözləyəcəyik.

- Növbəti turda “Qarabağ”la qarşılaşacaqsınız. Bu matçdan gözləntiləriniz nədir?

- Bu matçı qələbə ilə başa vurmaq üçün ən yaxşısını edəcəyik. Öz meydanımızda oynayırıq, ümidvaram ki, çoxsaylı azarkeş bizi dəstəkləməyə gələcək. Möhtəşəm matç bizi gözləyir. Azarkeşlərin tam heyətlə bizə dəstək olmağını istəyirəm.

Azad NURİYEV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31