“Neftçi”dən Emin Mahmudovun transferi xəbərinə rəsmi münasibət

“Emin Mahmudovla bağlı “Neftçi”yə heç bir təklif gəlməyib”.

Bunu Futbolxeber.az saytına açıqlamasında “Neftçi”nin Media, Marketinq və İctimaiyyətlə Əlaqələr Departamentinin rəisi Rüstəm Allahverdiyev deyib.

Klub rəsmisi bildirib ki, təcrübəli yarımmüdafiəçinin mövsümün sonuna kimi “Neftçi” ilə müqaviləsi var:

“Eminin klubla mövsümün sonuna kimi müqaviləsi var. İndidən onunla yeni sözləşmə imzalanıb-imzalanmayacağı barədə nəsə deyə bilmərəm. Hazırkı məqamda Emin “Neftçi”nin futbolçusudur və onunla bağlı heç bir klubdan şifahi, yazılı təklif almamışıq”.

Qeyd edək ki, Britaniya mətbuatında Şotlandiyanın "Harts" klubunun Emin Mahmudovu transfer etmək istədiyi barədə xəbərlər yayılıb.