“Neftçi” "Dinamo"nu məğlub etdi

“Neftçi" bu gün Çempionlar Liqasında mübarizəyə başlayıb.

Futbolxeber.az saytının məlumatına görə, paytaxt təmsilçisi 1-ci təsnifat mərhələsində Gürcüstanın "Dinamo" (Tbilisi) klubu ilə qarşılaşıb.

7 illik fasilədən sonra ÇL-də qüvvəsini sınayan "ağ-qaralar" səfərdə 2:1 hesablı qələbə qazanmaqla növbəti mərhələyə yüksəlmək üçün çox yaxşı şans qazanıb.

Qeyd edək ki, komandalar arasında cavab oyunu iyulun 14-də Bakıda keçiriləcək. Bu cütün qalibi 2-ci təsnifat mərhələsində Yunanıstan "Olimpiakos"u ilə üz-üzə gələcək. Məğlub tərəf isə mübarizəni Konfrans Liqasında davam etdirəcək.

Çempionlar Liqası

I təsnifat mərhələsi, ilk oyunu

7 iyul

"Dinamo" (Tbilisi, Gürcüstan) - "Neftçi" (Azərbaycan) 1:2

Qollar: Namik Ələskərov, 23 (0:1), Maruşiç, 36 (1:1), Emin Mahmudov, 57-pen (1:2)

Baş hakim: David Fuksman (İsrail)

Tbilisi. Boris Payçadze adına “Dinamo Arena”