"Bakı"nın heyətində 5 itki

Azərbaycan Topaz Premyer Liqasının XXIV turunda "Simurq"un qonağı olacaq "Bakı" dünən oyunun keçiriləcəyi Zaqatala şəhər stadionunda məşqə çıxıb. Futbolxeber.az-ın məlumatına görə, yüksək əhval-ruhiyyə şəraitində keçən məşq, təssüf ki, itkisiz ötüşməyib. Komandanın ispaniyalı hücumçusu Mario Martinez Rubio əzələsini dartaraq sıradan çıxıb. Onun sabahkı oyunda meydana çıxmayacağı qətiləşib.

 

Bu komandanın tək itkisi deyil. Daha 5 futbolçu məşqə qatılmayıb. Milli komandanın Portuqliya ilə oyununda zədələnən Rauf Əliyevin sırasına, xəstələnən və hərarəti olan Cavid Hüseynov və Deyvidas Çesnauskis də qatılıbıar. 

 

Beləliklə, zədədən sonra bərpa dövrü keçən Vinston Parks və Novruz Məmmədovun siyahısına oyunu buraxmalı olacaq daha 3 futbolçu əlavə olunub. 

 

Ciddi itkilərlə baxmayaraq, komanda bu turu 3 xalla başa vurmaq əzmindədir. Xatırladaq ki, bu mövsüm rəqiblər arasında baş tutan hər iki qarşılaşma qolsuz bərabərliklə yekunlaşıb.