"Bəlkə də on nəfər qalmasaydıq, qolsuz heç-heçəyə ümid edə bilərdik"

"Neftçi"nin məşqçisi, uzun illər Azərbaycan yığmasının heyətində forma geyən Tərlan Əhmədov millimizin dünya çempionatının seçmə mərhələsi çərçivəsində Portuqaliyaya qarşı keçirdiyi oyuna münasibət bildirib. Futbolxeber.az saytına verdiyi açıqlamada Əhmədov Portuqaliya ilə qarşılaşmanı belə şərh edib: "Sözün açığı, millimizdən çox şey gözləyirdik. Komandamızın, güclü Portuqaliya yığması qarşısında tab gətirməyə əzmkarlığı çatmadı. Rauf Əliyev meydandan qovulandan sonra oyunçularımız sarsıldı. Portuqaliya yığması da belə vəziyyətlərdən istifadə etməyi bacaran təcrübəli kollektivdi.  Bəlkə də on nəfər qalmasaydıq, qolsuz heç-heçəyə ümid edə bilərdik”.