"Mən Foqtsu kişi saymıram"

Milli komandamızın keçmiş məşqçisi, vaxtı ilə yığmada Berti Foqtsun köməkçisi işləmiş Elxan Abdullayev almaniyalı məşqçini sərt tənqdib edib. Futbolxeber.az-ın məlumatına görə, E.Abdullayev "Futbol+" qəzetinə verdiyi açıqlamda Foqts haqda belə deyib: "... Mən onu kişi saymıram. Əsl kişi məsuliyyəti üzərinə götürməyi bacarmalıdı. Yoxsa, təyyarə belə getdi, futbolçular zəifdi deməsi gülməlidi. Onun vaxtı çatıb. Əlbəttə, yeni məşqçi gəlsə, daha yaxşı olacağına təminat verə bilmərik. Amma özü hər şeyi anlamalıdı. Həmişə hər şeyi klubların üzərinə yıxmaq olmaz axı. Deyir ki, Araz Abdullayevin Avropa təcrübəsi yoxdu. İndi mən sual verirəm, məgər Portuqaliya qarşısına çıxan Pərdis Fərcad-Azadın Avropa təcrübəsi var? Ümumiyyətlə, yığmadakı gənclərdən hansının belə təcrübəsi var? Halbuki, Araz Avroliqada oynayıb, "Panionis"in formasını geyib".