"Hakim düzgün qərarlar verdi"

Portuqaliya yığmasının futbolçusu, bu gün millimizin qapısına yol tapan Bruno Alveş oyundan sonra fikirlərini açıqlayıb. Futbolxeber.az-ın məlumatına görə, qarşılaşma barədə jurnalistlərin suallarını cavablandıran portuqaliyalı milli komandamızın pis çıxış etmədiyini söyləyib: "Braqada keçirilmiş ilk oyunla müqayisədə bu gün Azərbaycan yığması daha yaxşı təsir bağışladı. Həmin qarşılaşmadan fərqli, bu gün topla yaxşı rəftar edirdilər. Komandanızın heyətində kimisə fərqləndirmək istəməzdim. Azərbaycan yığması komanda şəklində daha yaxşı çıxış etdi. Bu baxımdan kimisə fərqləndirmək düzgün olmazdı. Hakimliyə gəlincə, idarəçilik yaxşı vəziyyətdə idi. Hakim düzgün qərarlar verdi. Hansısa komandanın şikayətlənməyə haqqı yoxdu".