"Riçard Almeyda və İbrahim Şehiçin gedişi özünü göstərə bilər"

“Qarabağ”ın formasını geyinmiş Vladimir Dimitrovski Futbolxeber.az saytına açıqlama verib.

Makedoniyalı Ağdam klubunun Çempionlar Liqasının birinci təsnifat mərhələsində oynayacağı “Olimpiya” ilə görüşü barədə fikirlərini bildirib. O, “Qarabağ”ın “Olimpiya” ilə matçlarda uğurlu çıxış edə biləcəyini söyləyib: “Məncə, çox ağır oyun olacaq. Bəli, hər iki tərəf üçün belə olacaq. “Qarabağ”dan Riçard Almeyda və İbrahim Şehiçin gedişi özünü göstərə bilər. Komanda onların əvəzinə oyunçular tapmalıdı ki, gələnlər onları əvəzləsin.

Hər halda “Qarabağ”ın keçən ildən qazandığı təcrübə var. Çətin olsa belə, “Qarabağ”ın qalib gələcəyini düşünürəm. Ümidvaram ki, ikinci mərhələyə məhz “Qarabağ” adlayacaq”.