"Neftçi" "Uypeşt"i keçəcək gücdədi"

“Neftçi” və “Qəbələ”yə Avropa Liqasında uğurlar arzu edirəm. Fikrimcə, “Neftçi” “Uypeşt”i keçəcək gücdədi”.

Bu sözləri Futbolxeber.az saytına açıqlamasında “Neftçi” və “Qəbələ”nin sabiq forvardı Ruslan Qurbanov deyib.

O, “Neftçi” və “Qəbələ”nin də ilk mərhələni keçə biləcək gücə sahib olduqlarını söyləyib: “Neftçi” macarları uda bilər. Sadəcə olaraq rəqibi düzgün analiz etmək lazımdı. Belə olarsa, “Neftçi” üçün heç bir problem olmayacaq.

Bəli, “Neftçi” “Uypeşt” səddini keçsə, “Sevilya” ilə qarşılaşacaq. “Sevilya” artıq başqa səviyyədi. Onlarla oyunda başqa şey fikirləşməyə dəyməz, favorit “Sevilya”dı.

“Neftçi”nin yeni oyunçular haqda nə demək olar? Zədəsiz və uğurlu olmaqlarını arzu edirəm.

“Qəbələ”yə də “Proqress”lə görüşlərdə uğurlar arzu edirəm. Oyunlarına baxacam və azarkeşlik edəcəm. Məncə, “Qəbələ” də “Proqress”i keçəcək gücdədi”.