"Olimpiya"nın keçmiş kapitanı: "Qarabağ"ı keçmək üçün sona qədər oynayacağıq"

“Olimpiya”nın sabiq kapitanı Deyan Kelhar Futbolxeber.az saytına açıqlama verib.

Azərbaycanda “Qəbələ” forması geyinmiş sloveniyalı oyunçu “Qarabağ”ın “Olimpiya” ilə görüşlərdə favorit olduğunu bildirib:

“Qarabağ” Çempionlar Liqasının qrup mərhələsində çıxış etmiş komandadı. Üstəlik illərdi ki, avrokuboklarda yaxşı oynayır. Mən Azərbaycanda oynayanda da “Qarabağ” güclü idi, son illər daha da güclənib. İstənilən halda “Olimpiya” da “Qarabağ”ı keçmək üçün sona qədər oynayacaq. “Olimpiya”da iki il oynadım və bu komandada da nizam-intizam olduğunu gördüm. Fikrimcə, “Olimpiya” da Çempionlar Liqasının qrup mərhələsinə kimi irəliləyə biləcək komandadı”.