Ramal Hüseynov 2, klub prezidenti 5 oyunluq cəzalandı

Bu gün AFFA İntizam Komitəsinin iclası keçirilib. Futbolxeber.az-ın məlumatına görə, 23 mart 2012-ci il, 2012/2013 mövsümündə, Azərbaycan I Divizionunun XVIII turunun “Ağsu” - “Qaradağ Lökbatan” matçının 33-cü dəqiqəsində “Qaradağ Lökbatan” klubunun 27 №-li futbolçusu Ramal Hüseynov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 200 manat cərimə olunur (maddə 37.1).

Oyunun 33-cü dəqiqəsində “Qaradağ Lökbatan” klubunun prezidenti Tahir Mustafayev hakimləri təhqir etdiyi üçün 5 oyunluq cəzalanır, klub 500 manat cərimə olunur (maddə 42.4). Analoji hadisə klub prezidenti tərəfindən yenidən törədilərsə, İntizam Komitəsi ona qarşı daha ciddi sanksiyalar tətbiq edəcəkdir.

23 mart 2012-ci il, 2012/2013 mövsümündə, Azərbaycan I Divizionunun XVIII turunun “Bakılı” – “Neftçala” matçında “Bakılı” klubunun 4 futbolçusu sarı vərəqə ilə cəzalandığı üçün klub 100 manat cərimə olunur(maddə 40).