"Türkiyəyə getməkdən imtina etdim"

"Qarabağ"ın futbolçusu İlqar Qurbanov Türkiyə klublarının təklifindən imtina edib. Bu haqda Futbolxeber.az saytına müsahibəsində Qurbanovun özü məlumat verib: "Mənim menecerim türkiyəlidir. Türkiyə klublarından tez-tez təklif alıram. Elə son olaraq qışda da təkliflər var idi. Lakin təklif Bank Asiya klublarından, birinci liqadan olduğuna görə imtina etdim. Hazırda məni yalnız "Qarabağ" düşündürür. Bu komandanın uğurları üçün çalışmaq istəyirəm. Gələcəkdə yenidən Türkiyəyə yollanmaq fikrim var. Lakin birinci liqaya yox, Superliqaya. Birinci liqa klubları "Qarabağ"dan üstün deyil ki, ora yollanım. Optimal forma yığdıqdan sonra Türkiyə Superliqasında yenidən çıxış etmək arzusundayam".  

QEYD: İlqar Qurbanovun geniş müsahibəsi ilə irəliləyən dəqiqələrdə saytımızda tanış ola bilərsiniz.