Kamran Ağayev: "Səfərdə heç-heçə pis nəticə deyil"

Sabah Dünya çempionatının seçmə mərhələsi çərçivəsində Portuqaliya ilə qarşılaşacaq yığmamızın üzvləri bu gün oyunqabağı mətbuat konfransı keçiriblər. Futbolxeber.az-ın məlumatına görə, jurnalistlər önünə çıxan yığmamızın qapıçısı Kamran Ağayev bildirib ki, millimiz Lüksemburqu udmağa borclu idi: "Kimin meydana çıxacağı hələ bilinmir. Çıxsam, milliyə kömək etmək üçün əlimdən gələni edəcəyəm. Millidə əsas heyət oyunçusu olmur. Bu, klub deyil. Hamı hazır olmalıdır. Millidə əsas xarakter rol oynayır. Millinin futbolçusu peşəkar olmağa məcburdur. Bizi tənqid edirsiniz, haqlısınız. Ancaq o demək deyil ki, rəqib küçədən gəlib. Səfərdə heç-heçə pis nəticə deyil. Hər halda, udmağa borclu idik. Rəqib meydanında ehtiyatlı oynayırdıq. Udmaq istəyəndə, uduza bilərdin. Basketbol deyil ki, rəqibi əks-hücumda tutub fərqlənəsən”.