"Qoy, Portuqaliya bizi saymasın"

“Dünyanın ən güclü yığmalarından birinə qarşı oynayacağıq. Biz də meydanda gücümüzü qoymağa çıxacağıq”. Futbolxeber.az-ın məlumatına görə, bu sözləri milli komandamızın hücumçusu Rauf Əliyev deyib.

Təcrübəli forvard qeyd edib ki, Portuqaliya millisi təkcə Ronaldo və Nanidən ibarət deyil: "Hamı evdə yaxşı oynayacağımıza ümidlidir. Böyük ölkələrlə oyunlarda sensasiya etməyə çalışacağıq. Bu il daha çox səfərdə və ehtiyatlı oynamışıq. İsrail yığması zəif deyil və Portuqaliyaya qarşı yaxşı oyun göstərdi. Biz də elə oynayıb, rəqibi əks-hücumlarda tuta bilirdik. Portuqaliya Ronaldo, Nanidən ibarət deyil. Onların futbolçuları böyük klublarda oynayır. Sadəcə, Ronaldo, Nani olanda daha güclü olurlar. Eybi yoxdur, qoy Portuqaliya bizi saymasın".

Rauf Əliyev Lüksemburqla oyundan da söz açıb: "Lüksemburqla oyunda qalib gəlmək istəyirdik. Çoxları onları zəif sayırdı. Ancaq biz komandanın daxilində belə düşünmürdük. Səfərdə bu nəticəni qənaətbəxş saymaq olar".