Ağabala Ramazanov: “İnter” 5, “Qarabağ” 4…”

Bu gün Topaz Premyer Liqasında XXII turu çərçivəsində “Qarabağ” doğma meydanda AZAL-ı 1:0 hısabı ilə məğlub edib. “Azərsun Arena”dakı matçdan sonra ev sahibi komandanın hücumçusu Ağabala Ramazanov Futbolxeber.az saytının əməkdaşının suallarını da cavablandırıb:

 

“Oyuna ciddi hazırlaşmışdıq. Sevinirik ki, qalib gəldik. Oyunumuzda eniş olduğunu deməzdim. Məncə, bu sualı məşqçiyə verməlisiz. Eniş yoxdu. Tam ciddi hazırlaşırıq. Bu oyunda bir neçə qol epizodunu da əldən verdik”.

 

Forvard “Qarabağ”a asanlıqla uyğunlaşdığını deyib: “Bura gələndə çətinlik çəkmədim. Çünki hamını demək olar ki, tanıyırdım. Millidə də birgə oynamışam. Uşaqlığımdan tanıdığım oyunçular da var idi. Belə baxanda, çətin olmadı. “İnter” 5, “Qarabağ” isə 4 müdafiəçi ilə oynayır. Çətinlik çəkmirəm”.

 

O, millimizin Qətərlə keçirdiyi yoldaşlıq oyunu ilə yanaşı qarşıdakı Almaniya yığmasıyla matçdan da söhbət açıb: “Heç oyunun icmalına mən də baxmamışam (gülür). Ansi Aqolli də bildirmişdi ki, Qətər - Albaniya yoldaşlıq görüşü də elə keçib. Yəni, qapalı şəraitdə. Qolları heç mən də görməmişəm. Almaniya ilə oyuna tam ciddi hazırlaşacağıq. Asan rəqib deyil. Dünya çempionlarına qarşı mübarizə aparacağıq. Əl-qolumuzu sallamayacağıq ki, Almaniya bizə 4-5 qol vursun. Əlimizdən gələni edəcəyik”.