Marandiçi yenə Pokatilov üzərində qələbəyə sevindi

Qazaxıstan millisi UEFA Millətlər Liqasının C Liqasında növbəti oyununa çıxıb.

Futbolxeber.az saytının məlumatına görə, komanda səfərdə Moldova ilə üz-üzə gəlib. Matç meydan sahiblərinin qələbəsi ilə başa çatıb - 2:1.

Qazaxıstan millisinə dəvət alan “Sabah”ın qapıçısı Stas Pokatilov da bu oyunun iştirakçısı olub. O, meydana start heyətində çıxıb və görüşü əvəzolunmadan keçirib.

Moldova yığmasına çağırılan “Turan Tovuz”un müdafiəçisi Denis Marandiçi isə əvvəldən sona kimi görüşü ehtiyatdan izləyib.

Bununla da, oktyabrın 30-da olduğu kimi, bu dəfə də Marandiçi Pokatilov üzərində qələbəyə sevinib. Xatırladaq ki, həmin günü hər iki futbolçunun meydanda olduğu matçda “Turan Tovuz” “Sabah”ı 3:2 hesabı ilə məğlub etmişdi.