Fransa klubunda baş məşqçi istefası

Fransanın "Lans" klubu baş məşqçi Yannik Kayuzakı vəzifəsindən azad edib.

Futbolxeber.az saytının məlumatına görə, bu barədə klubun yaydığı açıqlamada bildirib.

41 yaşlı mütəxəssis komandaya sentyabr ayından başçılıq edirdi. Onun rəhbərliyi altında "Lans" bütün turnirlərdə 9 oyun keçirib, 3 qələbə qazanıb və 6 dəfə məğlub olub.

Kayuzakın komanda ilə vidalaşmasında əsas səbəb isə Çempionlar Liqasının Liqa mərhələsinin 4-cü turunda evdə İtaliyanın "Komo" klubuna qarşı keçirilən matç olub. Noyabrın 4-də oynanılan həmin qarşılaşmada "Lans" rəqibinə 1:9 hesabı ilə uduzub. Bu nəticə klubun tarixində avrokuboklarda evdə aldığı ən iri hesablı məğlubiyyət kimi düşüb.

Qeyd edək ki, "Lans" Fransa Liqa 1-in turnir cədvəlində 10 turdan sonra 13 xalla 11-ci pillədə qərarlaşıb.