Cüdoçularımızın Qran-Pridəki ilk rəqibləri müəyyənləşib

Azərbaycan cüdoçularının Xorvatiyanın paytaxtı Zaqrebdə keçiriləcək Qran-Pri turnirindəki ilk rəqibləri müəyyənləşib.

Futbolxeber.az saytına bu barədə Azərbaycan Cüdo Federasiyasından məlumat verilib.

Los-Anceles-2028 Yay Olimpiya Oyunlarına lisenziya xalları verən yarışda Azərbaycan 9 çəki dərəcəsində 12 cüdoçu (9 kişi, 3 qadın) ilə təmsil olunacaq. Turnirdə 70 ölkədən 515 idmançı (314 kişi, 201 qadın) mübarizə aparacaq.

Zaqreb Qran-Prisinin görüşləri noyabrın 13-dən 15-dək davaç edəcək.

Azərbaycan cüdoçularının ilk rəqiblərini təqdim edirik:

Qadınlar

52 kq, 1/16 final

Gültac Məmmədəliyeva – Tihea Topolovets (Xorvatiya)

70 kq, 1/16 final

Südabə Ağayeva – Olha Tsimko (Ukrayna)

+78 kq, 1/16 final

Madina Kaisinova – Kinga Volşçak (Polşa)

Kişilər

60 kq, 1/16 final

Murad Muradlı – Luka Mxeidze (Fransa)

66 kq, 1/16 final

Nizami İmranov – Daiki Buba (Fransa)

Turan Bayramov – Florian Böker (Almaniya)

73 kq, 1/32 final

Nəriman Mirzəyev – Valtteri Olin (Finlandiya)

Rüfət Şövlətov – Luka Katiç (Xorvatiya)

90 kq, 1/32 final

Vüqar Talıbov – Peter Şafrani (Macarıstan)

100 kq, 1/16 final

Əjdər Bağırov – Mixael Korrel (Niderland)

+100 kq, 1/8 final

Uşanqi Kokauri – İqor Vraçar (Serbiya) / Mustafa Fofana (Qvineya) cütünün qalibi ilə

Kənan Nəsibov – Murtaza Suha (Almaniya) / Jantilek Nurtilepuli (Qazaxıstan) cütünün qalibi ilə