Portuqaliya Ermənistanı 9 qolla darmadağın etdi

DÇ-2026-nın seçmə mərhələsinin F qrupunda sonuncu -  6-cı turun oyunları keçirilib.

Futbolxeber.az saytının məlumatına görə, Portuqaliya millisi Portuda Ermənistan komandasını qəbul edib. Görüşdə meydan sahibləri rəqiblərini darmadağın edib -  9:1.

Portuqaliyanın qollarını Renatu Veyqa (7), Qonsalu Ramuş (28), Joau Neveş (30, 41, 81), Bruno Fernandeş (45+3, 52, 72-pen.) və Fransişku Konseysau (90+2) vurub, Ermənistandan isə Eduard Spertsyan (18) fərqlənib.

Portuqaliya qrupu 13 xalla lider kimi başa vurub və dünya çempionatının final mərhələsinə vəsiqə qazanıb. Ermənistan isə 3 xalla sonuncu olub.