Pol Poqbanın debütu yenə təxirə salındı

"Monako”nun yarımmüdafiəçisi Pol Poqba yenidən zədələnib.

Futbolxeber.az saytının məlumatına görə, bu barədə “Knyazlıq klubu”nun baş məşqçisi Sebastian Pokonoli bildirib.

Onun sözlərinə görə, təcrübəli yarımmüdafiəçi cümə axşamı məşqdə xəsarət alıb və komandasının dünənki hazırlıq prosesinə qatılmayıb. Bu səbəbdən də Poqba 14-cü turda “Paris”ə qarşı keçiriləcək görüşdə komandasına kömək edə bilməyəcək.

Xatırladaq ki, fransız yarımmüdafiəçi oktyabrın əvvəlində də zədələnmişdi. Bu səbəbdən də Poqba “Monako”nun heyətində hələ ki debüt edə bilməyib.