Ronaldo het-trik sayında Messi ilə fərqi artırdı

Kriştianu Ronaldo Səudiyyə Ərəbistanı çempionatı çərçivəsində “Əl-Vahda” ilə oyunda 4 qol vurub.

Futbolxeber.az saytının məlumatına görə, portuqaliyalı ulduz bu görüşdə karyerası ərzində 61-ci het-trikini rəsmiləşdirib. Bunlardan 51-i klub, 10-u isə milli səviyyəsində baş tutub.  

30 yaşına qədər 30 dəfə het-trik edən Ronaldonun növbəti 31 het-triki son 8 ilə təsadüf edir.

Karyerasını davam etdirən futbolçular arasında Ronaldo het-trik sayında rekordçudur. O, 61 görüşdə meydanı ən azı 3 qolla tərk edib. Bu göstəricidə portuqaliyanın ən yaxın izləyicisi Lionel Messidir. Argentinalının aktivində 56 het-trik var.