Mbappe “Bavariya”ya qarşı oynaya bilər

Bir neçə gün əvvəl zədələnən PSJ-nin hücumçusu Kilian Mbappe bərpa dövrünü nəzərdə tutulandan daha tez başa vura bilər.

Futbolxeber.az saytının xarici KİV-ə istinadən verdiyi məlumata görə, fransalı forvardın Çempionlar Liqasının 1/8 final mərhələsində “Bavariya”ya qarşı oynamaq ehtimalı mövcuddur.

Halbuki buna qədər Mbappenin Münhen klubu ilə görüşlərdə çıxış edə bilməyəcəyi deyilirdi.

Ombasından zədələnən Mbappe özü də “Bavariya” ilə görüşlərdə çıxış etmək istəyir. Lakin onun start heyətində yer alması çətin görünür. Böyük ehtimalla, PSJ-nin forvardı ehtiyat oyunçular skamyasında yer alacaq və yalnız sona yaxın meydana çıxacaq.

Qeyd edək ki, PSJ ilə “Bavariya” arasında ilk oyun fevralın 15-də Parisdə, cavab matçı isə 9 martda Münhendə keçiriləcək.