Keçmiş həyat yoldaşı Alveşin müdafiəsinə qalxıb

Hazırda zorlama ittihamı ilə həbsdə olan Dani Alveşin keçmiş həyat yoldaşı braziliyalı futbolçunun günahsız olduğuna əmindir.

Futbolxeber.az saytının xarici KİV-ə istinadən verdiyi məlumata görə, Dinora Santara keçmiş ərinin kiməsə təcavüz edəcək biri olmadığını deyib:

“Mən bütün bunlara inanmıram. Dani belə bir şey edə, heç vaxt hansısa qadını zorlaya bilməz. Artıq 22 ildir ki, onu tanıyıram. 10 il də ailəli olmuşuq. Bütün ətrafı da Danini yaxşı tanıyır. Bu yaşananlar məni çox məyus edir. Tezliklə hər şeyin qaydasına düşəcəyinə əminəm”.

Qeyd edək ki, Braziliya millisinin və “Barselona”nın sabiq müdafiəçisi bir müddətdir nəzarət altındadır. O, gecə klubunda qadını zorlamaqda ittiham olunur. Veteran futbolçunun günahı sübuta yetirilsə, onu 12 illik həbs gözəyir.