“Lokomotiv”in kapitanının “Beşiktaş”a keçidi baş tutmadı

Moskva “Lokomotiv”inin kapitanı Dmitri Barinovun “Beşiktaş”a keçidi baş tutmayıb.

Futbolxeber.az saytının Rusiya mətbuatına istinadən verdiyi məlumata görə, İstanbul klubu son olaraq 26 yaşlı yarımmüdafiəçi üçün 5 milyon avro təklif edib.

Lakin “Loko” bu məbləğlə kapitanı ilə vidalaşmağı razı olmayıb, qiymətin artırılmasını tələb edib. Bu isə “Beşiktaş”ı razı salmadığı üçün tərəflər danışıqları dayandırıblar.

Qeyd edək ki, Barionov bu mövsüm “Lokomotiv”in heyətində meydana çıxdığı 18 oyunda 1 qol vurub.