Dabo izlədi, Donyo “Apollon”da ilk qolunu vurdu

Kipr çempionatında 21-ci turun oyunları keçirilir.

Futbolxeber.az saytının məlumatına görə, bir müddət əvvəl “Neftçi”dən gedən Qodsvey Donyonun formasını geydiyi “Apollon” öz meydanında “Karmiotissa”nı qəbul edib.

Ötən tur APOEL-lə görüşdə sonradan meydana çıxmaqla yeni klubunda debüt edən Donyo bu dəfə start heyətində yer alıb. Qanalı forvard 16-cı dəqiqədə fərqlənməklə yeni klubunda qol hesabını açıb. Lakin onun qolu qələbə üçün yetərli olmayıb. Belə ki, “Apollon” matçın 65-ci dəqiqəsinə kimi hesabda 3:1 öndə olmasına baxmayaraq, yekunda meydanı xalsız tərk edib - 3:4.

Donyonun 62-ci dəqiqədə əvəzləndiyi matçı “Neftçi”nin digər sabiq hücumçusu Baqali Dabo əvvəldən sona kimi “Apollon”un ehtiyat oyunçular skamyasından izləyib.

Bu yenilgidən sonra əvvəlki kimi 35 xalda qalan “Apollon” 14 komanda arasında 7-ci yeri tutur.