“Mudrik “Arsenal”ı seçməklə səhvə yol verdi”

“Arsenal” və “Çelsi”nin keçmiş müdafiəçisi Vilyam Qallas ukraynalı hücumçu  Mixail Mudrik haqda danışıb.

Futbolxeber.az saytının xarici KİV-ə istinadən verdiyi məlumata görə, fransız veteran ukraynalı forvardın “Arsenal”ı yox, “Çelsi”ni seçməsini səhv adlandırıb:

“Məncə, Mudrik “Çelsi”ni seçməklə səhv etdi. O, “Arsenal”da daha çox oynamaq şansına malik idi. Burada onun əsas heyətdə yer almaq şansı daha çox olacaqdı. Bəlkə də artıq mövsümün sonunda Mudrik peşmançılıq çəkəcək. Komandaların hazırkı durumları da fərqlidir. “Çelsi” mövsümün sonunda heç Çempionlar Liqasına düşməyə bilər. “Arsenal”ın isə çempion olmaq şansı kifayət qədər yüksəkdir”.

Qeyd edək ki, yanvarda Mudriki hər iki London klubu heyətində görmək istəsə də, onun seçimi “Çelsi”nin lehinə olub. Qallas isə karyerası ərzində həm “Arsenal”ın, həm də “zadəganlar”ın formasını geyib.