Berluskoni: “O, qarşıdakı 20 ildə “Milan”ın formasını geyəcək”

“Milan”ın prezidenti Silvio Berluskoni komandasının gənc qapıçısı Canluici Donarumma haqda danışıb. Futbolxeber.az-ın məlumatına görə, Berluskoni 16 yaşlı qapıçının satılmayacağını əminliklə vurğulayıb: “O, əla oğlandı. Canluici həm fiziki, həm də psixoloji baxımdan çox güclüdü. Hesab edirəm ki, Donarumma “Milan”ın rəmzi olacaq. 16 yaşı olsa da, hər kəs onun oyununa heyrandı. Canluici ilə bağlı alacağımız bütün təklifləri geri çevirəcəyik. O, qarşıdakı 20 ildə “Milan”ın formasını geyəcək”.

Qeyd edək cari mövsümdə 17 oyunda meydana çıxan Cici, bu görüşlərin 6-da qapısını toxunulmaz saxlayıb.