“Yuventus”un qələbə və 5 illik seriyası qırıldı

“A” seriyasının 26-cı turunda “Yuventus” səfərdə “Bolonya” ilə heç-heçə oynayıb - 0:0. Futbolxeber.az-ın məlumatına görə, bununla da Turin klubunun 15 oyunluq qələbə seriyası qırılıb. Turin klubu uğurlu seriyaya oktyabrın 31-də, 15-ci tur çərçivəsində “Torino”nu 2:1 hesabı ilə məğlub etməklə başlamışdı. Bununla da “Qoca Sinyora” 2006/07 mövsümündə ardıcıl 17 qələbə qazanan “İnter”in rekordunu təkrarlaya bilməyib.

“Yuventus”un həmçinin 5 illik seriyası da qırılıb. Belə ki, Alleqrinin komandası 2011-ci il martın 5-də “Milan”a 0:1 hesabı ilə məğlub olduğu görüşdən sonra ilk dəfədir ki, 90 dəqiqə ərzində “çərçivə”yə 1 zərbə də endirə bilməyib.