“Mançester Yunayted”in müdafiəçisi: “Çempionluq şansımız hələ də qalır”

“Mançester Yunayted”in müdafiəçisi Rafael Da Silva komandasının cari mövsümdəki çıxışı haqda danışıb. Futbolxeber.az-ın məlumatına görə, 24 yaşlı braziliyalı bir qədər vaxta ehtiyac duyduqlarını bildirib: “Van Qal komandaya yeni fəlsəfə gətirib. Odur ki, zamana ehtiyac duyuruq. Zaman keçdikcə necə oynamalı olduğumuzu daha yaxşı dərk edəcəyik və nəticə özü gələcək. Hələ də çempion olmaq şansımız var. “Mançester Yunayted”də forma geydiyim üçün çox məmnunam. İyulda bura gəlməyimin 10 ili tamam olacaq. Mənə də əsl “Mançester Yunayted”li demək olar. Gələcəkdə də bu klubun şərəfini qorumaq istərdim. Heç yana getmək fikrində deyiləm”.