“Simurq”un sabiq baş məşqçisi: “Bu komandada heç nə dəyişməyib”

“Simurq”un sabiq baş məşqçisi, ötənlərin məşhur hücumçusu Sergey Yuran keçmiş komandası “Spartak”ın Rusiya Premyer Liqasının üçüncü turu çərçivəsində “Krasnodar”a 0:4 hesabı ilə uduzmasına münasibət bildirib. Futbolxeber.az-ın məlumatına görə, Yuran əvvəlki illərlə müqayisədə Moskva klubunda ciddi dəyişikliyin olmadığını vurğulayıb: “Bu nəticə mənim şok oldu. Əgər, bu cür hesabla uduzan qarşısına ciddi məqsədlər qoymayan hansısa ortabab komanda olsaydı, bunu anlayışla qarşılamaq olardı. Lakin “Spartak”a belə nəticə yaraşmır. Ilk 3 tur göstərir ki, komandada heç bir dəyişiklik yoxdur. Yəqin ki, problem hazırlıqdadı. Yakının psixoloji cəhətdən komandanı növbəti oyuna hazırlaya biləcəyini dəqiq bilmirəm. Məncə, onun yerində rus məşqçi olsaydı, belə vəziyyətdə deməyə söz tapardı”.