“Reyncers”in tarixində bunu bacaran 6-cı hokkeyçi oldu

Milli Hokkey Liqasının (NHL) növbəti turu çərçivəsində “Neşvill”i 7:0 hesabı ilə məğlub etdikləri görüşdə “Reyncers”in hücumçusu Artyomiy Panorin 3 xal (1+2) qazanıb.

Futbolxeber.az saytının məlumatına görə, 31 yaşlı hokkeyçi cari mövsümdə topladığı xalların sayını 80-ə çatdırıb. 70 görüşdə rəqib qapılarına 23 dəfə yol tapan forvard 57 məhsuldar ötürmə müəllifi olub.

Panorin “Reyncers”dəki karyerası ərzində artıq üçüncü dəfədir mövsüm ərzində 80 xal həddinə çatır. O, Nyu-York klubunun tarixində ən azı 3 mövsümdə 80 xal həddinə çatan 6-cı hokkeyçidir.

Bu baxımdan rekord Mark Messeyə məxsusdur - 5 dəfə. Rod Jilber 4 mövsümdə, Endi Batqeyt, Jan Rately və Brayan Liçin hər biri isə 3 dəfə mövsümü minimum 80 xalla tamamlayıblar.