Əfsanəvi türk idmançı vəfat etdi

Ağır atletika tarixində ilk üçqat olimpiya, yeddiqat dünya çempionu Naim Süleymanoğlu vəfat edib.

Futbolxeber.az saytının məlumatına görə, bir müddət əvvəl qara ciyəri dəyişdirilən və ötən həftə beyin qanaması keçirdiyi üçün təcili əməliyyat edilən 50 yaşlı Süleymanoğlu bu gün həyatla vidalaşıb.

Qeyd edək ki, türkiyəli atlet həmçinin 46 dəfə dünya rekordu müəyyənləşdirib. O, ağır atletika tarixində indiyədək ən çox titulu olan idmançı idi.