Rizvan Fərzəliyev: “Hədəf çempionluq idi”

“Birbaşa Bakı” olaraq ardıcıl üçüncü dəfə Çempionlar Liqasına qatılırdıq. Əvvəlki iki cəhd uğursuz olmuşdu. Şans gətirməmişdi. Yarı yolda dayanmışdıq”.

Futbolxeber.az saytına açıqlamasında bu sözləri “Birbaşa Bakı”nın heyətində Çempionlar Liqasının qalibi olan Rizvan Fərzəliyev deyib.

Təcrübəli futbolçu əziyyətlərinin yerdə qalmadığını söyləyib: “Bu dəfə hədəf çempionluq idi. Şükürlər olsun ki, əziyyətimiz yerdə qalmadı. Finalda da qalib gəldik və Bakıya kubokla qayıtdıq”.

R.Fərzəliyev gələcəkdə də bu uğurun davamını gətirməyə çalışacaqlarını vurğulayıb: “Qazandığımız çempionluqda əziyyəti olan, komandaya dəstək verən hər kəsə minnətdaram. Turnir zamanı az da olsa azarkeşlər bizi dəstəkləyirdi. Bu, komandaya ruh yüksəkliyi verirdi, bizim üçün stimul idi. Gələcəkdə çalışacağıq ki, bu uğurların ardını gətirək”.

İbrahim Cəfərov