21 ildən sonra “Latsio”nu tərk edəcək

Danilo Kataldi mövsümün sonunda “Latsio”dan gedəcək.

Futbolxeber.az saytının məlumatına görə, bu barədə tanınmış insayder Nikolo Skira paylaşım edib. Onun sözlərinə görə, klub rəhbərliyi 33 yaşlı futbolçu ilə yeni müqavilə imzalamamaq qərarına gəlib. Yarımmüdafiəçinin sözləşməsi 2027-ci ilin iyununda başa çatır.

Bununla da, Kataldinin 21 illik “Latsio” məcarası yayda başa çatacaq. O, Roma klubuna 2006-cı ildə qoşulub. 7 il aşağı yaş qrupları üzrə kollektivlərdə çıxış etdikdən sonra 2013-cü ildə futbolçu, əsas komanda ilə peşəkar müqavilə imzalayıb.

Geridə qalan illər ərzində Kataldi “Krotone”, “Cenoa”, “Benevento” və “Fiorentina”da icarə əsasında çıxış edib.

İtaliyalı yarımmüdafiəçi “Latsio”nun əsas komandasında 191 matça meydana çıxıb və 7 qol vurub.