Vitali Borisov: “Ən yaxşı oyunumuzu keçirdik”

Azərbaycan futzal millisinin baş məşqçisi Vitali Borisov Avropa çempionatının əsas mərhələsində bu gün Yunanıstana uduzduqları görüş (2:3) haqqında danışıb.

Futbolxeber.az-ın məlumatına görə, mütəxəssis Azərbaycan Futzal Federasiyasının saytına açıqlamasında komandasının oyunundan razı qaldığını deyib:

“Qrup mərhələsində ən yaxşı oyunumuzu keçirdik. Statistikaya baxıram, rəqib qapımıza doğru 4 zərbə endirib və onlardan 3-ü qol olub. Biz isə 26 zərbədən 2-ni tora qovuşdurduq. Rəqibi bütün göstəricilərdə üstələmişdik. Standart vəziyyətdən və “5-in 4-ə” mübarizə zamanı qollar buraxdıq. Problem realizə ilə bağlı idi. Demək olar, sırf hücumçu mövqeyində oynayan futzalçımız yoxdur. Bunu edəcək futzalçı Kənan Manafovdur, o da zədəsini yeni sağladıb, fiziki baxımdan tam hazır deyil. Buna görə də Kənanı “5-in 4-də” oynayanda meydana buraxdıq. Bunu üzərinə götürəcək oyunçumuz yoxdur”.

Qeyd edək ki, Yunanıstan yığması Azərbaycanla matçın başa çatmasına 4 saniyə qalmış qələbə qolunu vurmağı bacarıb. Millimiz 4 oyundan sonra turnir cədvəlində 2 xalla 3-cüdür.