Cüdoçularımızın Avropa çempionatındakı ilk rəqibləri müəyyənləşib

İtaliyanın Neapol şəhərində cüdo üzrə U-23 Avropa çempionatının püşkatma mərasimi keçirilib.

Futbolxeber.az saytının məlumatına görə, püşkatmanın nəticələrinə əsasən Azərbaycan cüdoçularının ilk rəqibləri bəlli olub.

Oktyabrın 30-dan noyabrın 1-dək keçiriləcək qitə yarışında Azərbaycan 6 çəki dərəcəsində 9 kişi cüdoçu ilə təmsil olunacaq. Çempionatda 36 ölkədən 275 idmançı (155 kişi, 120 qadın) mübarizə aparacaq.

İlk yarış günü təsnifat mərhələsi Bakı vaxtı ilə saat 13:00-da, final bloku isə saat 19:00-da start götürəcək.

Kişilər

-60 kq, 1/8 final

Murad Muradlı – Unay Penyas Merino (İspaniya)

Babarəhim Mirzəyev – Mario Tinelli (İtaliya) / Yan Motoli Bonqambe (Fransa) cütünün qalibi ilə

66 kq, 1/8 final

Nizami İmranov – Alessio De Luka (İtaliya)

İslam Rəhimov – Kristian Butuçi (Xorvatiya) / Adam Anastasopulos (Yunanıstan) cütünün qalibi ilə

73 kq, 1/16 final

Əbil Yusubov – Luka Katiç (Xorvatiya)

Mehdi Cəfərov – Vlad Mitru (Moldova)

90 kq, 1/16 final

Əli Qazıməmmədov – Mixaylo Xoroşaylov (Ukrayna)

100 kq, 1/8 final

Əjdər Bağırov – İvan Kutenkov (Ukrayna)

+100 kq, 1/8 final

Kənan Nəsibov – Luka İvankoviç (Xorvatiya).