2 Aprel 2023, Bazar günü
“Heç-heçə bizim üçün pis nəticə deyil”
“3 xal bizim üçün çox vacib idi”
“İnanılmaz 15” kampaniyası başladı!
"Turan Tovuz" "Sumqayıt"a məğlub oldu

Futzal

Millimizin üzvü: "Polşaya qələbə üçün gedirik"

Ötən gün DÇ-2024-ün əsas mərhələsində Bakıda Yunanıstanla qarşılaşan və inamlı qələbə qazanan (5:2) Azərbaycan millisinin qollarından birinin müəllifi olan Felipinyo matçı dəyərləndirib.

Futbolxeber.az saytının məlumatına görə, milliləşmiş braziliyalı Futzal Federasiyasının mətbuat xidmətinə açıqlamasında deyib:

“Oyunun bizim üçün çətin keçəcəyini gözləyirdik. Onların heç bir şansı qalmadığına görə, meydana rahat çıxmışdılar, üzərlərində hansısa təzyiq yox idi. Nəticədə bir müddət hücum qurmaqda çətinlik çəkdik. Amma tədricən üstünlüyümüzü yaratdıq və oyunun idarəsini əlimizə keçirdik. Düzdür, imkanlarımızdan tam istifadə edə, epizodları realizə edə bilmədik. İstənilən halda, qələbə qazanmağı bacardıq, vacib olan tapşırığın öhdəsindən gəldik”.

Felipinyo martın 7-də Polşa ilə keçiriləcək oyun haqda da fikirlərini bildirib: “Polşa ilə qarşılaşma çətin keçəcək. Əvvəla, bu rəqibimiz gücünə, keyfiyyətinə görə seçilir. Onlar fiziki planda da fərqlənirlər. Ancaq sürətli oyunumuzu davam etdirməli, Bakıda olduğu kimi, səfərdə də meydanı qalib tərk etməliyik”.

O, elit-raunda vəsiqənin qazanılmasının komandanın oyununa heç bir təsir etməyəcəyini vurğulayıb: “Əvvəldən komandanın qarşısına yalnız elit-raunda yüksəlmək deyil, qrupu birinci pillədə başa vurmaq tapşırığı qoyulub. Biz də yola bu məqsədlə çıxmışıq. Bu mərhələnin final matçını major notlarla bitirmək istəyirik. Nə heç-heçə, nə də minimalhesablı yenilgi haqda düşünürük. Polşaya qələbə üçün gedirik”.

 

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2023
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30