“Sumqayıt” Roy Kehatı itirdi

"Sumqayıt"ın Azərbaycan Premyer Liqasının 21-ci turunun “Qəbələ” ilə matçında zədələnən futbolçusu Roi Kehat vətəni İsraildə əməliyyat olunub.

Futbolxeber.az saytının məlumatına görə, bu barədə klubun mətbuat xidməti açıqlama yayıb. Axill vətərinin dabana qədər tam yırtığı diaqnozu qoyulan yarımmüdafiəçi professor Eran Tamir tərəfindən əməliyyat edilib.

Uğurlu keçən cərrahi müdaxilə nəticəsində Roi Kehat təxminən 1 ay sonra fizioterapevt müşayiəti ilə mərhələli şəkildə reabilitasiya prosesinə start verəcək. O, ən az mövsümün sonuna qədər "Sumqayıt"a kömək edə bilməyəcək.

Qeyd edək ki, R.Kehat cari mövsüm Premyer Liqada 21 matça çıxıb, 2 qol vurub, 1 qolun ötürməsini verib.